英國返工冇咁有階級觀念？

喺英國畢業後返咗一份算係 customer facing 嘅工，入面成條 Team 都係女仔（包括我），成個 Team 嘅 bonding 都好好，係互相支持嘅 vibe，有時仲會忽然喺公司一齊唱歌 😂

我 manager 非常信任我同俾好多 Responsibilities 我，然後我嘅建議佢都會接納，喺呢個 Team 入面我真正 feel 到 Mutual respect，而唔係嗰種好 hierarchical 嘅職場文化。

有一次我爸爸嚟倫敦探我，佢喺 tube 入面有少少蕩失路，就去地面 Platform WhatsApp 我，我 manager 聽到即刻主動同我講可以走先去「救」佢，呢度有佢頂住！然後成條 Team 都附和。當時堅感動，但最後我搵到我男朋友幫手所以冇早走到。

其實好小事，不過都想分享下有好 manager 好 Team 嘅重要性！因為我冇試過喺香港返長工（除咗暑假做 Intern），唔知呢種情況下一般香港嘅 manager 會點呢？

我自己喺香港律師樓做 intern 時就見過有 partner 由房裏面嗌出嚟鬧坐出面嘅 Trainees，見識過之後真係唔敢返香港做嘢，不過都可能係嗰間 firm 特別癲。

最後希望喺英國返工嘅大家都可以搵到一條好 team 同埋一個好 manager！<3