英國職場都有大食會 culture?

上兩星期係 Ramadan（一年一度的穆斯林齋月）既尾聲，我做緊既中學的 Team 就搞左一個 bring & share lunch party。Team Leader 整左張 list 俾同事寫自己會帶/整咩食物，甜品，零食或者飲品，令我諗起以前讀中學放聖誕假前會搞既 Christmas party 大食會。

唔同既係，因為呢度既同事來自世界各地亦有多元飲食文化，大家都會準備 halal 肉同列明食物係唔係 vegetarian。

大食會個日雖然冇菠蘿腸仔同咖喱魚蛋，但就好似食緊國際 buffet，有法國菜、孟加拉菜、葡國菜、荷蘭菜等。但我由於時間關係就冇整野食，不過就買左好多同事（包括我！）都超中意嘅Sensation Sweet Chilli 薯片。當每食一道好味嘅食物，就會問係邊個同事整，然後會互相分享食譜同佢哋既飲食文化/習慣。又會有同事問我既拿手好菜係咩，香港人中意食咩，我又可以介紹下香港既街頭小食文化。

呢個 Bring & Share 唔單止令我既中學回憶翻哂黎，仲令我感受到倫敦嘅包容性同多元文化。正因為呢個地方承載着不同國家的人，大家就有機會去學習、欣賞、尊重同包容各自的文化和生活方式。而呢啲機會就唔會咁易係香港有喇！