話說我嚟英國讀大學嗰年識咗班幾好傾嘅朋友，當中除咗我同另一個香港同學（化名 Amy）之外，其他都係 locals。咁大家久唔久都會飯聚，而我同 Amy 同其中一個英國男仔（化名 Ron）特別 friend，大家會三個約出街。 到 Ron 生日嘅時候，大家約咗食飯。見面前我諗咗好耐使唔使準備咩禮物俾 Ron，因為其實我喺香港冇送生日禮物嘅習慣，通常都喺請個 friend 食餐飯。而中學就嚟咗英國讀書嘅 Amy 話，外國人通常都起碼會寫張卡，過時過節都鐘意收到賀卡，於是我決定花啲時間寫張長少少，講吓心底話嘅生日卡。 我張卡嘅內容大概就係好開心喺度讀書認識咗你，多謝你成日帶我地去玩之類（當時我都有諗過寫得會唔會太僑情/肉麻，但又覺得已經冇買禮物，寫卡唔想太 HEA）重點係 Ron 有同我同 Amy…
近排發生咗一件事令我感受到香港同英國請客文化嘅差異。話說我有一位啱啱移民咗嚟英國嘅香港老朋友，佢話想 “host 個 party” 同「請」唔同朋友上佢屋企打邊爐，仲叫我請埋我嘅 local 英國朋友。 當日晏晝去到佢屋企，我同我嘅 local 朋友都各自帶咗一支酒俾主人家，見到滿枱食物我哋同佢講好多謝佢預備咗咁多嘢食。Party 有 10 個人，大部份係香港人。大家打完邊爐好滿足，仲坐埋一齊玩咗兩個鐘 board game 先返屋企。 令我詫異嘅係，第二日收到主人家 message 話俾我聽打邊爐材料除返開每人嘅價錢，請我同 local…
唻左英國做左幾年野，最大感受係覺得自己真係奴性幾重。好多時 d 英國人覺得好少事，自己就勁緊張咁，唔知為乜。例如睇錯野，趕唔切 deadline 之類，基本上絕對唔會話你，直接就講 that’s fine，然後再做返岩就得，畀著響香港呀姐片足一日！咁當然佢地對自己都係咁啦，覺得大家都係人一個，偶然做錯野好正常，所以即使係佢自己做錯野，搞著你，佢哋都未必會講 sorry 㗎！ 不過最令我深刻嘅一件事，係有一次我 department head 問我有冇興趣去 training，話某一個星期二響倫敦有個 talk 喎，咁我 check 完 schedule ok…
今年 1 月對我嚟講係一段情緒崩潰嘅日子。我同男朋友喺英國認識，拍咗兩年拖，本身各自有自己地方住，但佢一直氹我搬去同佢一齊住，話想建立一個「共同嘅生活」。我信咗佢，搬咗過去，一心以為係向住未來行緊。 點知，佢去咗澳洲做畫畫工作冇幾耐，就突然用 WhatsApp 同我講分手。冇預兆、冇對話，連面都唔見就一句話搞掂。 最心寒嘅係，佢仲話我要喺一個月內搬走，話得好似係畀租客通知搬屋咁——冷冰冰，冇感情，好似我係佢生活中多出嚟嘅包袱。 我攞住部電話呆咗好耐，心入面一片空白。點解可以咁無情？兩年感情就咁收場？嗰晚我一晚冇訓，眼淚一直流，腦入面只係不停重播住一句：「我可以去邊？我仲有咩可以攬住？」 我係一個實幹嘅人，唔鍾意喺人面前示弱，但嗰日返酒店返工真係頂唔住，一開口講到一半就忍唔住喊。冇諗過，平時只係hea傾計嘅同事，竟然一個一個走埋嚟安慰我，陪我傾偈。仲有個同事話：「唔怕啦，你搵唔到地方住可以嚟我shareroom 度，我讓半張床俾你訓。」 你知唔知，嗰下我真係完全崩潰——喺我最冇安全感嘅時候，有人願意攬住我。 我個 manager 仲話：「唔好怕啦，我哋會幫你搬，你睇下，universe 都喺幫你。」佢講嗰句，我記到而家。喺我最無助嘅時候，竟然係職場上呢班「唔太熟」嘅同事，成為咗我生命入面嘅依靠。 今次件事令我明白，有啲人會用一個 message扔低你，但亦有人會用一張梳化、一句溫暖說話拉返你出嚟。原來職場唔止係返工咁簡單，亦可以係你心靈嘅避風港。
上兩星期係 Ramadan（一年一度的穆斯林齋月）既尾聲，我做緊既中學的 Team 就搞左一個 bring & share lunch party。Team Leader 整左張 list 俾同事寫自己會帶/整咩食物，甜品，零食或者飲品，令我諗起以前讀中學放聖誕假前會搞既 Christmas party 大食會。 唔同既係，因為呢度既同事來自世界各地亦有多元飲食文化，大家都會準備 halal 肉同列明食物係唔係 vegetarian。…
喺英國畢業後返咗一份算係 customer facing 嘅工，入面成條 Team 都係女仔（包括我），成個 Team 嘅 bonding 都好好，係互相支持嘅 vibe，有時仲會忽然喺公司一齊唱歌 😂 我 manager 非常信任我同俾好多 Responsibilities 我，然後我嘅建議佢都會接納，喺呢個 Team 入面我真正 feel…
嚟咗英國之後第一份工就係喺呢間 start-up 公司度做文書，眨吓眼就做咗差唔多兩年喇。由上年年頭開始，佢哋就喺 all-hands 度加咗一個叫 Carte Blanche 嘅環節喺最後五分鐘，話想每個同事輪流做，講乜都得，等大家互相認識多啲喎。 雖然聽落去好似返咗去初中咁啲英文老師要你做 show and tell，但係其實都幾正。有啲同事會分享下自己以前去流浪嘅經驗、有啲人選擇講棟篤笑、又有啲人會介紹吓自己啲畫作呀，詩呀咁，除咗令到個會輕鬆啲之外，的確係可以令到大家嘅認識深咗嘅，因為我哋雖然都係得 50 幾人，但係始終都係 hybrid，唔係成日返公司吹水交流。我自己喺好開頭就已經俾人邀請做過一次，嗰次就介紹咗啲港式英文詞彙，例如 add oil 同 exact7ly 嗰啲，到而家都仲會有啲同事對住我講，話自己…